ئىسلام رۇبائىيلىرى

ئىسلام رۇبائىيلىرى

1

تاشلىما رەببىم مېنى ئارزۇ-ھەۋەس زىندانىغا،

باشلىما ئاسىي-گۇناھكار، بەدبەختلەر يانىغا.

بەر ماڭا كۈچلۈك ئىمان، ئۈستۈن ھىدايەت تائەبەد،

مەرھەمەت قىل، قوش مېنى سالىھ-سەلەپ كارۋانىغا.

-ھەقيار

2

دۇنيادىن ئىزدىمە راھەت-پاراغەت،

بۇ پەقەت شەقىيلەر قالدۇرغان ئادەت.

يارالدىڭ دۇنياغا ئىبادەت ئۈچۈن،

بەختنىڭ ئاچقۇچى ـــ رەبكە ئىتائەت.

-ھەقيار

3

سەبرنى ئات قىلىپ مىنگىن ئەي ئوغۇل،

يەتكۈزەر ئۇ سېنى رەببىڭگە ئۇدۇل.

گەر بولساڭ نەپسىڭگە مالاي ۋەيا قۇل،

سائادەت قورغىنىڭ بولغۇسى چۇلچۇل.

-ھەقيار

4

ھىدايەتنىڭ رەھبىرى پەيغەمبىرىم مۇھەممەد

ئۇنى ئۈلگە تۇتمىغان ئازغۇن شەيتاندۇر پەقەت.

قۇرئان بىلەن سۈننەتنى ھاكىم قىلغان قەلبىدە،

ھەر ئىككىلى ئالەمدە ئەزىز ياشار تائەبەد.

-ھەقيار

5

رەسۇل ئېيتتتى «ئاياللار باشتىن ئاياق ئەۋرەتتۇر»*،

ئەۋرىتىنى ياپمىغان جەننەت كۆرمەس بەرھەقتۇر.

ئىپپەت تونى جىلبابتا ياپ ئەۋرەتنى ياتلاردىن،

ناپاكلارنى دورىماق ساڭا مەڭگۈ ھەسرەتتۇر.

-ھەقيار

* سۇنەن تىرمىزى 1173